Paytm Fastag तुम्ही पेटीएम वापरत असाल तर तुम्हाला पेटीएमवर लादलेल्या निर्बंधांची बातमी माहित असणे आवश्यक आहे. पण जर तुम्ही तुमच्या वाहनावर पेटीएमचा फास्टॅग इन्स्टॉल केला असेल, तर आता तो फास्टॅग निष्क्रिय केला जाऊ शकतो.
15 मार्च नंतर, तुम्ही रिचार्ज किंवा टॉप अप करू शकणार नाही. तर पेटीएम फास्टॅग वापरकर्त्यांनी आता काय करावे? आणि आता त्या FASTag मधील पैशांचे काय करायचे? यासोबतच पेटीएम फास्टॅगशी संबंधित काही महत्त्वाच्या प्रश्नांची उत्तरे जाणून घेऊया.
Paytm FAStag चं काय होणार?
भारतीय रिझर्व्ह बँक (RBI) च्या नवीन मार्गदर्शक तत्त्वांनुसार, पेटीएम पेमेंट्स बँक फास्टॅग 15 मार्च 2024 नंतर बंद होतील.
त्यामुळे ज्यांच्याकडे असे FASTag आहेत त्यांना ते निष्क्रिय करावे लागतील आणि नंतर नवीन FASTag खरेदी करावे लागतील.
RBI ने 29 फेब्रुवारी 2024 नंतर पेटीएम पेमेंट बँक खाते, पेटीएम वॉलेट आणि फास्टॅगमध्ये पैसे जमा करण्यास बंदी घातली आहे.
यानंतर राष्ट्रीय महामार्ग प्राधिकरणाने अधिकृत FASTag पुरवठादारांच्या यादीतून पेटीएम हटवले. नंतर आरबीआयने ही मुदत १५ मार्च २०२४ पर्यंत वाढवली.
खरं तर, जेव्हा FASTag सुविधा सुरू झाली तेव्हा लाखो वाहन मालकांनी Paytm FAStag निवडला. मात्र आता या सर्वांना १५ मार्चपूर्वी त्यांचे फास्टॅग निष्क्रिय करावे लागणार आहेत.
सध्या तुम्ही हा फास्टॅग वापरत असाल तर तो लगेच बंद होणार नाही, पण १५ मार्चनंतर त्याचा काही उपयोग होणार नाही.
Paytam FAStag वरचे पैसे ट्रान्सफर करता येतील का ?
केंद्र सरकारने ‘वन व्हेईकल वन फास्टॅग’ योजना सुरू केली आहे. त्यामुळे एक फास्टॅग वेगवेगळ्या वाहनांसाठी वापरता येणार नाही किंवा एकाच वाहनावर वेगवेगळे फास्टॅग वापरता येणार नाहीत.
नवीन FASTag साठी KYC पडताळणी प्रक्रिया मागील FASTag निष्क्रिय केल्यानंतरच केली जाऊ शकते.
RBI ने पेटीएम ग्राहकांसाठी काही FAQ अर्थात महत्वाचे प्रश्न आणि त्यांची उत्तरे प्रकाशित केली आहेत. पेटीएम FASTag वरील रक्कम दुसऱ्या बँकेच्या FASTag मध्ये हस्तांतरित केली जाऊ शकत नाही, असे त्यांनी स्पष्ट केले आहे.
म्हणून, पेटीएम पेमेंट्स बँकेच्या ग्राहकांनी त्यांचा FASTag निष्क्रिय करणे आणि पुढील प्रक्रिया पूर्ण करणे आवश्यक आहे.
तुमच्याकडे पेटीएम फास्टॅगवर पैसे असल्यास, तुम्ही ते १५ मार्चपूर्वी खर्च केले पाहिजेत किंवा पेटीएम पेमेंट्स बँकेकडून परतावा मागावा.
Maruti Suzuki: मारुती सुझुकीच्या या गाड्यांवर मिळतीये बंपर ऑफर
Paytm FAStag कसे कराल बंद ?
जर तुमच्याकडे पेटीएम फास्टॅग असेल पण तुम्ही पेटीएम ॲप वापरत नसाल तर आधी तुम्हाला तुमच्या मोबाईलवर ॲप डाउनलोड करावे लागेल. पुढील प्रक्रिया सहा चरणांमध्ये करावयाची आहे.
- पेटीएम ॲप डाउनलोड केल्यानंतर, तुमच्या पेटीएम खात्यात लॉग इन करा. तुमच्याकडे आधीपासून खाते नसल्यास, तुम्ही तुमचा मोबाइल नंबर टाकून लगेच खाते तयार करू शकता.
- त्यानंतर तिथे सर्च बॉक्समध्ये फास्टॅग सर्च करा. यानंतर मॅनेज फास्टॅगच्या पर्यायावर क्लिक करा.
- ‘मदत आणि समर्थन’ वर क्लिक करा.
- ‘ऑन-ऑर्डर प्रश्नांसाठी मदत हवी आहे?’ पर्याय निवडा.
- त्यानंतर ‘FASTag प्रोफाइल अपडेट करण्याशी संबंधित प्रश्न’ या पर्यायावर क्लिक करा.
- शेवटी ‘मला माझा फास्टॅग बंद करायचा आहे’ हा पर्याय निवडा. त्यानंतर स्क्रीनवरील सूचनांचे अनुसरण करा. तुमचा FASTag निष्क्रिय केला जाईल.
हे करत असताना, एक गोष्ट लक्षात ठेवा की एकदा फास्टॅग निष्क्रिय झाल्यानंतर तुम्ही ते वापरू शकणार नाही.
निष्क्रिय होण्यापूर्वी या FASTag मध्ये काही शिल्लक असल्यास, Paytm पेमेंट्स बँकेकडून परतावा मिळू शकतो. यासाठी तुम्ही पेटीएम ॲपवरून विनंती करू शकता किंवा १८००-१२०-४२१० या टोल फ्री क्रमांकावर कॉल करून परतावा मिळवू शकता.
नवीन FASTag कसा काढाल?
भारतीय राष्ट्रीय महामार्ग प्राधिकरणाने एकूण 32 बँकांना अधिकृत FASTag वितरक म्हणून मान्यता दिली आहे. त्यामुळे तुम्ही NHAI वेबसाइट किंवा संबंधित बँकेच्या वेबसाइटला भेट देऊन नवीन FASTag खरेदी करू शकता.
बहुतेक राष्ट्रीयीकृत आणि मोठ्या खाजगी बँका FASTag ऑफर करतात. यापैकी तुम्ही तुमच्या सोयीचा आणि विश्वासाचा फास्टॅग निवडू शकता.
paytm fastag news
ऍग्रो न्यूज टिम मध्ये डिजिटल कंटेंट रायटर म्हणून कार्यरत. Agriculture, Automobile, Business, Finance, Technology इत्यादी विषयाचे सखोल ज्ञान.
पुण्यातील नामांकित संस्थेतून पत्रकारिमध्ये पदवीधर.
